Indre Sunnmøre Brannkasse går til Frende Forsikring

Frå 1. januar 2026 tek Indre Sunnmøre Brannkasse eit nytt steg i si utvikling. Vi går inn i samarbeid med Frende Forsikring, eit norsk selskap som deler verdiane våre om tryggleik, nærleik og omtanke. Dette blir eit positivt skifte som gjer kvardagen enklare for kundane våre og gir oss nye moglegheiter framover.

Eit samarbeid for framtida

Frende Forsikring er eit solid, norskeigd selskap med eigarskap i sparebanksektoren og sterke røter i lokalsamfunn over heile landet. Dei deler verdiane våre om tryggleik, omtanke og personleg oppfølging, og det gjer samarbeidet til ein naturleg og spennande vidareføring for oss.

Med Frende får vi tilgang til fleire produkt, moderne system og solid fagkompetanse. Samtidig beheld vi alt som gjer Indre Sunnmøre Brannkasse unik: den lokale tilknytinga, dei kjende ansikta og den personlege kontakten. Vi ser på dette som eit steg som styrkjer oss, både som rådgjevarar og som lokal aktør her på Stranda.

Saman vidare – slik blir overgangen enkel for deg

Vi forstår at endringar kan vekke spørsmål, men vi ønskjer å gjere overgangen så enkel og trygg som mogleg for deg. Etter nyttår vil du som kunde få konkret informasjon frå oss om korleis du enkelt kan vidareføre forsikringane dine til Frende Forsikring.

Du vil bli kontakta av Indre Sunnmøre Brannkasse med detaljert forklaring på kva du skal gjere, og vi står klare til å hjelpe deg gjennom heile prosessen. Alt er lagt opp for at det skal vere oversiktleg, trygt og utan stress.

Du møter framleis dei same folka her på Stranda, klare til å svare på spørsmål, hjelpe deg vidare og sikre at alt blir rett frå start.

Vi håpar sjølvsagt at du ønskjer å bli med oss inn i det nye kapittelet. Det betyr mykje for oss å kunne halde fram den gode relasjonen og tilliten vi har bygd opp gjennom mange år. Vi ser fram til å vere din lokale tryggleikspartnar også i framtida.

Lokale verdiar i moderne drakt

Hos oss er kundane ikkje berre tal, men naboar, vener og samarbeidspartnarar.
Vi tek oss tid til å forstå behova dine og gi råd som passar deg. Denne nærleiken og personlege servicen er noko vi er stolte av, og det vil ikkje endre seg.

Med Frende får vi verktøy og støtte til å utvikle oss vidare, slik at vi kan tilby moderne løysingar og digitale tenester, utan at det går ut over den lokale forankringa.

Vi blir meir framtidsretta, men held fast på hjartet i det vi gjer: menneskeleg kontakt, tillit og tryggleik.

Velkomen innom

Frå 1. januar ønskjer vi deg velkomen til Frende Forsikring Indre Sunnmøre, med den same gjengen, på den same adressa, men med ny energi og fleire moglegheiter.

Har du spørsmål? Stikk innom, slå på tråden eller send oss ei melding. Vi er her for deg, akkurat som før.

Indre Sunnmøre Brannkasse – saman gjennom livet.